قصيدة سنابل شوق وإرتجال حزن

(( سنابل شوق )) والطاري من هموم القصيد أحيان
على عشب السهر وأغلى ربيع العمر وأشواقه

يميل الوصف وعيون القصايد والمدى التحنان
و((صوت الصمت)) في نبض الجريح وهامة أعماقه

حبيبي لا تخالط جرحي المغمور بالأحزان
ترى بعض الدروب اللي جفاها الوصل....مشتاقه

تغيب اغلى تعابير الجروح وصمتها الخوان
وينبض للحزن صدر الزمان وناعس احداقه

يسيل البوح من واهج هجوسي واحتري هتان
ونزف العمر هو مركب عناي وموتي فراقه

يسافر مغترب ديره ويرجع مغترب خلان
مشاويره محطات السواد ولجة اوراقه

على ريق الضما ماتت طيوفي والعطش عنوان
عليه انساب ويميل البخت لا مال براقه

وهبت اللي ترك جرحي ملامح صوتي اللي بان
شريت من العتب حضن الكلام ولحظة عناقه

انا اللي يحتري صبره ويسري به مع الابدان
شعورن يحترق با ادفى الخفوق ويعلن احراقه

يصوت للدفاء والبرد بضلوعه رفيقن كان
مع همومه تراتيل الجفاف وجرح خفاقه

تمحور به من المظلم كساد الامنيات وحان
من الغيره سجع قلبه ونادى وانحنى ساقه

على صمته كسح كل العباير نبضه العطشان
وعاتب با الرماد اخر ثواب الجرح با اخلاقه

يسمي رحلته مركب قصايد واللقاء بستان
محل في نظرته درب السحاب وعانق اذواقه

مع انه لو لقى با اخر فتافيت الشقا اوطان
يجود ويرتمي دلوه من اجل قلوب عشاقه

سلب عذره سلب عمره سلب مايشتهي انسان
سلب حتى مسافات الحنين وخالف سياقه

تمهل في مسافاته ولو قلب العنا مالان
عسى يصبح على شمس الوصال وشمعة إشراقه

حبيبي قلت ماعندي وسلمت القصيد اوزان
ولابه في رضاك الا شموخ الياس واسواقه

عساك ان شفت في جرح الضماير تكرم الزعلان
وترسم له بدورات الامل تاريخ لا اشواقه

وسلامتكم

تحيات^^الجرح ارحم^^

شكراااااااااااااااااااااا

العفوووا

مشكور

العفوووا

» قصيدة يا هيه
» قصيدة مو طن غيا بك
» قصيدة و صل و مواعيد
» قصيدة عشر الوصايا
» قصيدة آسف على البلوك