من رخصة المسفرعمر راعي الطيب
اللي دعاني ودعوته لي كفلها
لاسمه وشروا صاحبي جيته مجيب
جية محب ن دعوته ماخذلها
ذيب ن دعافي محفل الشعرله ذيب
دعوة شرف يفخر به امن قبلها
حقن علي من خصني بالتراحيب
أستأذنه باللي إتضح لي جهلها
باقول حاجه بخاطري ياالأصاحيب
بالقلب غارت والقصيدإنتشلها
بابيات تشبه للسيوف المحاديب
ازريت مابين الضلوع احتملها
اصبحت اودي بداخلي العلم وآجيب
الين صاح القلب يا لسان قلها
النقدكانه عيب حييت يالعيب
ماهمني كل الاوادم زعلها
لا من نقدت انسان عندي مقاضيب
بينت له بايات شعره خللها
مانيب انااللي يطبل بكل تعقيب
عندالعذارى كل غلطه هملها
وانابشرمعرضن اخطي وآصيب
والمايله وجه الصحيح يعدلها
محدن خلقه الله بلياعذاريب
والشاطراللي عقود نفسه حللها
العيب من هو غرب الشعرتغريب
يوم الاصيله تعتري من خجلها
قالت وخصت نفسهادون توجيب
لاهل الشعر في بيت بين فشلها
ان كان لجزال القصايد معازيب
حنا معازيب القصايد واهلها
عز الله انك مانصفتي الاشانيب
عسر القوافي لا بغا يرتجلها
يا كثر من هو شيب القاف تشييب
رقى الجزاله لين قمة جبلها
ان كان لجزال القصايد مشاريب
كم شاعرن مرويه صافي عسلها
وانانظمته من جروحن معاطيب
القلب من سن الطفوله حملها
مايلحقه عندالجماهير تكذيب
صدق المشاعرمايدوربدلها
يا هيه انا اللي هذب الشعر تهذيب
رقيت به لين الثريا وصلها
والشاعر اللي ماحوى قلبه الطيب
كلمة نعم بيدين فعله قتلها
مافاد شعره بين ربع(ن) واجانيب
لوالشوارب في قصيده فتلها
والبعض همه بالشعر يملي الجيب
بصمات كفه عن قصيده عزلها
واللي ترد لسالم الزيروكليب
ناقه توارى في ظهرها فحلها
وجهة نظر رتبتهاخير ترتيب
لوالبشر منهاتزايدجدلها
ماجيت ادور من وراهامكاسيب
حرفي نهض للوايليه وعقلها
وسلامتكم
تحيات^^الجرح ارحم^^
الثلاثاء نوفمبر 09, 2010 3:45 am
