قصيده يامشقين نفسك

يامشقين نفسك مع الناس ببلاش
يامسخرن جسمك على اردى الفعايل
يامخطي بحقك ترا حالتك ماش
عودت مثل اللي يدور بدايل
ماهو بقادر وضعه اليوم هشاش
كل العلوم اللي بغاها هوايل
مسكين من مثلك يجي منه ارعاش
يهرب ليا صكت عليه الحمايل
ماهو بمثل شعيل مايعرف الجاش
خله على طبعه يجيب المثايل
لاتحسبنك يوم قفيت منحاش
منت بسبوق تروح مثل الاصايل
وطبعك ماهو بالطيب لاشك غشاش
وعلمك هوين مايجي بالطوايل
يعني تروح بعيد وامسك بالشاش
من ضعف حيلك عود الشاش مايل
لاتنطح اللي للمواقيف مغباش
جتك المشاكل مثل رش المخايل
وجتك السيوف اللي توديك الانعاش
من واحد فعله مثل ماهو قايل
الله ياضعفك ليا قلت وشاش
والله ياصبري على اردى القوايل
طبعك ردي ومايسمعك كود الاوباش
وطبعي كريمن ماتذوبه سوايل
والله على البيدا تجي لمثلك فراش
وفراشك الرمضا باحر القوايل
ان عودت ذكراك رعيان ودباش
يبطي مقامك مايوصل لحايل
مثلك مع العربان لاشك ماعاش
ومثلي مع البدوان فيصل سلايل
ميمون هم ربعي ويفداهم الاش
والا انت يامقرود مالك فصايل

وسلامتكم

تحيات^^الجرح ارحم^^

شكراااااااااااااااااااااا

العفوووا

» قصيده الثوب
» قصيده تكفون؟؟
» قصيده جرى الهوى
» قصيده الجرح
» قصيده ضول صدري