قصيده ضول صدري

في ضول صدري دبك خيل و سرايا
خلت ضلوعي تصطفك لا لقيتك
وفي ضول صدري صوت رثع المطايا
من لهفتي لا من مشيت و نصيتك
الخيل تعرضلك و تسمع حدايا
و الشوق سرّاني يوم اني بغيتك
اسوقلك شعري رعايا رعايا
الوسم وسمي شاهدي لك هويتك
جيتك و بستان الشعر في حشايا
اقطف من ورود الشعر يوم جيتك
شوف الخزامى و النفل بالزوايا
مع كل نفحة ورد همت و طريتك
كن القصايد كلبوها عرايا
في كل بيت(ن) بالقصيده قريتك
زينت شعري يا فريد السجايا
و جردت غيرك بالجفا و احتويتك
من وين اجي مدحك و كلك مزايا
لا جيت بنهيها رجعت و بديتك
هاك المشاعر كلها لك عطايا
حاكم و انا شعبك و كلي فديتك
غنيت لك و الطير غنا معايا
بين الهدب و العين صرت و رعيتك
شيبتني بالغنج و ذيك السوايا
و شيبت حرفي يوم رددت ليتك
ليتك تشوف اللي بوسط الحنايا
بين المحاني داخل القلب بيتك
احييت في قربك سنينن طوايا
ياللي على درب المحبه احتريتك
ميزت نفسك عن جميع البرايا
ماني كفو لو ما حضرت و حميتك
ما يبعدك عني يا كود المنايا
لا تحسب اني في غيابك نسيتك
لا يا بعد عذب الشعر و الصبايا
القلب لو يعطى يا خلي عطيتك ..@

وسلامتكم

تحيات^^الجرح ارحم^^

شكراااااااااااااااااااااا

العفوووا

» قصيده صاح بندا
» قصيده لا تخترع لي ذنب
» قصيده ياغاليه
» قصيده يا خاينه؟
» قصيده باب المدينه؟؟