بعض الطيوف تمر فالحلم وتروح
والبعض مرسول الحنين و بريده
وبعض الاوادم وقته مزوح وفروح
وبعض الاوادم يقتل الحزن عيده
وانا ترى قلبي من العام مجروح
ولا عاد يستحمل جروحٍ جديده
نصفي بقايا حي والنصف مذبوح
وتعبت من ظلم الظروف العنيده
اهيم في سطح الورق وانثر البوح
شعرٍ يغيظ اهل القلوب البليده
يبني به العاشق تماثيل وصروح
وتقراه خطلان اليدين وتعيده
واللا أنت ياللي تخلط الجد بمزوح
مدري دلع والا همومك زهيده
خذ كلمة مني تسجل على اللوح
وان كان ودك ودها للجريدة
انا ليا غنت حمامه على الدوح
جاوبتها بلحون حرف القصيده
إن كان لك في الجرح يازين مصلوح
يفداك قلبٍ مسكنك في وريده
ارحل فمان الله يازين مسموح
عسى حياتك في البقية سعيدة
والا اسقني قدام لا تطلع الروح
شربة هنا تبري الجروح العديده
وسلامتكم
تحيات^^الجرح ارحم^^
الثلاثاء نوفمبر 09, 2010 3:47 am
