قصيدة استدرجك للحب

تعبت استدرجك للحب ياللي مانويت تحب
تعبت انعش بقايا روح لجلك مابقت حيه
ياصدفه كيف امكنها تجمعنا وحنا غرب
ياصدفة من صدف ضي ن تغار الشمس من ضية
لا منك جيت يامرحب وجودك نور المكتب
تفضل وين ماودك بشخصك مرحبا وحيه
واتبسم لجل حسنك واقلك وش تبى تشرب؟؟
تقل ياشيخ اعذرني بلا حاجات رسمية
واقل ياشيخ اعذرني نبيل اخلاق ومذهب
من الواجب اوجبلك واحطك بين عينيه
وتتبسم شفاتك ورد تأنس جانبي المرعب
وتذبحني تفاصيلك يا غصن ن باردن فيه
ويحييني همس صوتك خريره بمسمعي يدعب
لحد مافاضت اسماعي من الرقة رومنسية
تغردلي عيونك شعر تلهمني وانا اكتب
حروف الشعر في شفك من الابداع حصريه
تروح وخافقي منك توسد فرحته متعب
تروح وصفحة افراحي لحد اتعود مطويه
احاول الفت انظارك عسى بي حاجتن تجذب
ابيها صورتي بعينك كحاجة مو طبيعية
كذا خلي تعارفنا قبل ما استودعك للرب
كذا شيدت آمال ن غدت اطلال منسية
انا كلي لجل حسنك تداعى داخلي معجب
فأعذرني اذا مالت حروفي حب عفوية
لا منها لحظة وداعك بدت والعين تترقب
جيت اقول لا ترحل ابي شغله ضرورية
دخيل الله صارحني آمانه عاد لا تكذب
دخيلك ليش تتعمد عليه اتكرر الجيه
اقل اتحبني!! تسكت تقول ان المحبه هب
كلام ن عاش فشفاهي يموت وينطمس ضيه
تعبت استدرجك للحب ياللي مانويت تحب
تعبت انعش بقايا روح لجلك مابقت حيه

وسلامتكم

تحيات^^الجرح ارحم^^

شكراااااااااااااااااااااا

العفوووا