قصيده اجره اتعابك للشاعر مبارك سالم

قصيدة أجرة أتعابك
ولا كلّفت نفسك يوم تزعلني تراضيني
ولاحتى خذيت بخاطري وأنا أول أحبابك

أثاري كل همك شوفتي والحزن كاسيني
وأثاري كل هذا الهم بعيوني من أسبابك

تلمّح للفراق أدري تبي تمشي وتخليني
تكرّهني بنفسك والدليل بكثرة غيابك

تشب النار بأعصابي وتبعد ماتطفيني
أموت ولا يحرك هالزعل إحساس أعصابك

وش اللي بس سويته بحقك لجل تهديني
دموعٍ مارضيت إنها تمر وتسكن أهدابك

لأني جيت لك كلي وفا بالغدر تجزيني
تعذبني لأني بالعطا كنت أخرس عتابك

وأنا اللي جيت لك شايل حياتي وأجمل سنيني
وسرقت أحلى إبتسامات العمر وأهديتها نابك

كذا تستكثر الفرحه على قلبي وعلى عيني
كذا تقتل خفوقٍ عاش كل العمر يحيابك

أجل مادامها هذي سواتك روح وإعفيني
وكثر ماجيت لك لاعاد ترجيني على بابك

خلاص إنسى وأنا بنسى وعنك ألله يغنيني
كفايه ماجرى من تحت راسك وإحسب حسابك

إذا فكرت لو تفكير ترجع يامعنّيني
تأكّد إنك بتلقى عيون تقول وش جابك ؟

تحملتك كثير ومابقى ياظالمي فيني
سوى جرح وألم .. وأظن هذي أجرة أتعابك

شكراااااااااااااااااااا

العفوووووا

وشكراا لتواصلك معنا

مشكور

شكراااا

العفوووا

وشكرااا لتواصلكم معنا